İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

“Virtual Qarabağ” İnformasiya-Kommunikasiya Texnologiyaları Mərkəzinin təşkilatçılığı ilə Xocalı soyqırımı haqqında virtual məlumatlandırma aksiyası keçirilmişdir

“Virtual Qarabağ” İnformasiya-Kommunikasiya Texnologiyaları Mərkəzinin təşkilatçılığı ilə Xocalı soyqırımı haqqında virtual məlumatlandırma aksiyası keçirilmişdir

21 fevral 2014-cü il tarixində 28 Mall ticarət mərkəzində “Virtual Qarabağ” İnformasiya-Kommunikasiya Texnologiyaları Mərkəzinin təşkilatçılığı ilə Xocalı soyqırımının 22-ci ildönümü münasibəti ilə beynəlxalq ictimaiyyətin məlumatlandırma aksiyası keçirilmişdir. Aksiyanın məqsədi Ermənistan - Azərbaycan, Dağlıq Qarabağ münaqişəsi, Xocalı soyqırımı haq­qında beynəlxalq ictimaiyyətə obyektiv informasiyalar, tarixi faktlar və həqiqətləri daha müasir formalarda çatdırmaq,  Qarabağ haqqında düzgün məlumatlılığın artırıl­ma­sıdır.

 “Hər şey Qarabağ üçün” informasiya kampaniyası çərçivəsində keçirilən aksiya zamanı ilk dəfə olaraq “talk fusion” video paylaşma texnologiyası tətbiq olunmuşdur. Aksiya çərçivəsində “talk fusion” texnologiyası ilə hazırlanan video qəzet vasitəsilə Xocalı soyqırımı haqqında məlumatlar, video və foto materiallar, Heydər Əliyev Fondunun vitse – prezidenti Leyla xanım Əliyevanın təşəbbüsü ilə həyata keçirilən “Xocalıya ədalət” informasiya kampaniyası çərçivəsində hazırlanan video klip canlı rejimdə dünyanın müxtəlif ölkələrində yaşayan siyasət­çilərə, jurnalistlərə, gənclərə göndərilmişdir. “Talk fusion” texnologiyasının köməyi ilə qabaqcadan hazırlanmış materialları bir gündə minlərlə e mail ə heç bir spam maneəsi olmadan göndərmək,  bütün dünya üzrə qeyri-məhdud sayda iştirakçıyla ünsiyyətə girmək , eyni zamanda canlı rejimdə hesabat əldə etmək mümkündür.

Aksiya gənclər, tələbələr, gənclər təşkilatlarının nümayəndələri və əhali tərəfindən  maraqla qarşılanmışdır. Onlar elektron poçtlarından dünyanın müxtəlif insanlarına “talk fusion” texnologiyasının imkanlarından istifadə etməklə Xocalı soyqırımı haqqında video, foto və yazı materialları göndərmişlər. Aksiya zamanı müasir texnolo­giya­lar­dan istifadə olunması da xüsusi marağa səbəb olmuşdur. Ümumilikdə aksiya zamanı hazırlanmış materiallar 2500 dən çox elektron ünvana göndərilmişdir. Aksiya fevral ayının 27 -ə qədər davam edəcəkdir.

Xatırladaq ki, “Hər Şey Qarabağ Üçün” virtual kampaniyası “Virtual Qarabağ”  İnformasiya – Kommunikasiya Texnologiyaları Mərkəzi tərəfindən həyata keçirilir və Qarabağ həqiqətlərinin internet məkanın­da tanı­dıl­­­­masına xidmət edir.  “Hər şey Qarabağ üçün” virtual kampaniyası hamı üçün açıqdır: Azərbaycanda və dünyada ya­şa­yan sülhsevər insanlar, yeniyetmələr, gənclər, Qeyri - hökumət təşkilat­ları, gənclər təş­­kilatları kampaniyaya qoşula bilər. 28 mall ticarət mərkəzində baş tutan “talk fusion” aksiyası da “Hər Şey Qarabağ Üçün” virtual kampaniyası çərçivəsində həyata keçirilən növbəti tədbirlərdəndir.

Məqaləyə dair fotomateriallar: