İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Elmar Məmmədyarov: Azərbaycanlı girovlar üzərində məhkəmə qanunsuzdur

Elmar Məmmədyarov: Azərbaycanlı girovlar üzərində məhkəmə qanunsuzdur

05.11.2014

Azərbaycanın işğal edilmiş ərazilərində azərbaycanlı girovlar üzərində məhkəmə qanunsuzdur. Trend xəbər verir ki, bu barədə çərşənbə günü xarici işlər naziri Elmar Məmmədyarov Böyük Britaniyanın Avropa məsələləri üzrə naziri Devid Lidinqtonla danışıqlardan sonra keçirilən birgə mətbuat konfransında deyib.

Nazir qeyd edib ki, Kəlbəcər rayonunda girov götürülmüş azərbaycanlıların azad olunması məsələsi Azərbaycanın diqqət mərkəzində qalır: "Biz onların azad olunması üçün hər şey edirik. Bu məsələ Parisdə ATƏT-in Minsk qrupunun həmsədrləri ilə görüşdə də qaldırılıb. Vasitəçilər bu məsələ ilə məşğul olacaqlarını vəd ediblər".

Onun sözlərinə görə, bu məsələ zaman tələb edir.

E.Məmmədyarov bildirib ki, Ermənistanın insan hüquqları barədə danışmağa haqqı yoxdur: "Bir milyondan artıq azərbaycanlının hüquqlarını pozan Ermənistanın insan hüquqlarından danışmağa mənəvi haqqı yoxdur. Lidinqton bu gün ermənilərin təcavüzü nəticəsində öz doğma torpaqlarından qovulan qaçqın və məcburi köçkünlərlə görüşdü və öz gözləri ilə onların ağır vəziyyətini gördü".