İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Minsk qrupu Dağlıq Qarabağ münaqişəsinin nizamlanması üçün daha çox səy göstərəcək

Minsk qrupu Dağlıq Qarabağ münaqişəsinin nizamlanması üçün daha çox səy göstərəcək

04.12.2014

ATƏT-in Minsk qrupu Dağlıq Qarabağ münaqişəsinin nizamlanmasında irəliləyişə nail olmaq üçün daha çox səy göstərmək niyyətindədir. Trend-in məlumatına görə, bunu Bazeldə jurnalistlərə Minsk qrupunun amerikalı həmsədri Ceyms Uorlik deyib.

O bildirib: "Biz son illər danışıqlar prosesində əhəmiyyətli irəliləyişin şahidi olduq. Azərbaycan və Ermənistan prezidentləri üç dəfə görüşüblər və münaqişənin nizamlanması üzrə davamlı dialoqun təmin edilməsi üçün səylər göstəriblər. Bununla yanaşı, biz geriyə addımların da şahidi olduq".

C.Uorlik iyulun sonu - avqustun əvvəlində Azərbaycan və Ermənistan qoşunlarının təmas xəttində gərginliyin artmasını xatırladıb: "Həmin vaxt atəşkəs rejiminin pozulması halları və insan tələfatı olmuşdu. Biz Ermənistan hərbi helikopterinin vurulması insidentinin də şahidi olduq. Bu, hər iki tərəf üçün faciədir. Hazırda biz möhkəm sülh əldə etmək üçün daha əvvəl danışıqlar prosesində olan irəliləyişləri bərpa etməyə çalışırıq".

Həmsədr ümid etdiyini bildirib ki, Azərbaycan və Ermənistan prezidentləri yeni görüşə razılıqlarını verəcəklər, lakin bu onların qərarları olmalıdır: "Siz Parisdəki görüşdən sonra prezidentlərin bəyanatını xatırlayırsınız. Onlar həmin vaxt görüşlə və danışıqların davam etdirilməsinə dəstəklə bağlı nikbin olduqlarını bildiriblər. Biz həmsədrlər olaraq onların yeni görüş keçirməsinə dəstək verməyə hazırıq".