İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Rusiya azərbaycanlı girovların taleyindən narahatdır

Rusiya azərbaycanlı girovların taleyindən narahatdır

05.12.2014

Rusiya girovlar probleminə ciddi yanaşır və bütün girovların azad edilməsinin, qarşılıqlı mübadilənin aparılmasının tərəfdarıdır. Trend-in məlumatına görə, bunu Bazeldənın Rusiya xarici işlər naziri Sergey Lavrov mətbuat konfransında deyib.

O, Rusiya, Azərbaycan və Ermənistan prezidentlərinin Həştərxan görüşünün yekunları üzrə bəyanatını xatırladıb: "Həmin bəyanata əsasən, Azərbaycan və Ermənistan prezidentləri girovların götürülməsi halında onların mübadiləsini aparmağa, ölüm zamanı isə cəsədlərin qarşılıqlı təhvil verilməsinə imkan verən mexanizm yaratmağı öhdələrinə götürüblər".

S.Lavrov əmin olduğunu bildirib ki, bu bəyanat qoşunların təmas xəttində və regionda tərəflərin praktiki addımlar atmasında öz əksini tapacaq.

Qeyd edək ki, erməni xüsusi təyinatlıları tərəfindən Azərbaycanın işğal olunmuş Kəlbəcər rayonunun Şaplar kəndində keçirilən əməliyyat zamanı Həsən Həsənov adlı bir azərbaycanlı öldürülüb, Şahbaz Quliyev və Dilqəm Əsgərov adlı iki azərbaycanlı isə girov götürülüb. H.Həsənovun nəşi Azərbaycana qaytarılıb. Ş.Quliyev və D.Əsgərovun isə qondarma "məhkəməsi" keçirilir.