İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Azərbaycanda "Sarkisyanın hərbi cinayətkar kimi tanınması üçün 100 min səs" petisiyasına başlanılıb

Azərbaycanda

28.01.2015

Azərbaycanda BMT Təhlükəsizlik Şurasına müraciət üçün yaradılan “Sarkisyanın hərbi cinayətkar kimi tanınması üçün 100 min səs” petisiyasına başlanılıb.

Bu gün Trend Beynəlxalq İnfromasiya Agentliyinin Mətbuat Mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının nəzdində yaradılan İşçi Qrup petisiyanın təqdimatını keçirib.

QHT-lərə Dövlət Dəstəyi Şurasının üzvü, Azərbaycan Tələbə-Gənclər Təşkilatları İttifaqının sədri Şahin İsmayılov bildirib ki, yanvarın 19-da QHT-lərə Dövlət Dəstəyi Şurasının iclasında 20 Yanvar hadisələri və Azərbaycan həqiqətlərinin beynəxlaq ictimaiyyətə çatdırılması üçün İşçi Qrupun yaradılması qərara alınıb. Yeni yaradılan İşçi Qrupa Azərbaycanda fəaliyyət göstərən 17 QHT rəhbəri daxil edilib.

Ş.İsmayılov deyib ki, “Sarkisyanın hərbi cinayətkar kimi tanınması üçün 100 min səs” petisiyası ilə yanaşı, 20 Yanvar həqiqətlərinin beynəlxalq müstəviyə çıxarılması üçün də petisiya aparılır. Məqsəd Xocalı hadisələrinin iştirakçısı olan Serj Sarkisyanın beynəlxalq cinayətkar kimi tanıdılması, 20 Yanvar həqiqətləri barədə dünya ictimaiyyətinin daha düzgün informasiya almasıdır.

Onun sözlərinə görə, 100 min imzanın qısa müddətdə toplanılması planlaşdırılır: "İşçi Qrup dövlət qurumları, siyasi partiyalar, mətbuatla işləməklə 100 min imza toplamağı planlaşdırır. 100 min imza toplamqla Ermənistan hökumətinə prezidentinə bu sahə üzrə psixoloji və təzyiqlər etməyə çalışılacaq. Әsas məqsəd vahid mövqeyi göstərmək və bu məsələdə Azərbaycan xalqının bir mövqedən çxıış etdiyini göstərməkdir".

Ş.İsmayılov bildirib ki, petisiyada yalnız Azərbaycan deyil, xarici ölkə vətəndaşlarının da iştirakı nəzərdə tutulur. Bu təbliğat xarakterli işləri görmək üçün başqa ölkələrdə olan tərəfdaşlar və bir sıra nüfuzlu təşkilatlara petisiya hazırlanan linklər və məlumatlar göndəriləcək.

Petisiya www.avaaz.org saytında həyata keçirilir.