İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Rəsmi Bakı "New York Times" əməkdaşlarının Dağlıq Qarabağ səfərinə aydınlıq gətirdi

Rəsmi Bakı

02.02.2015

Trend:

Azərbaycan Xarici İşlər Nazirliyi “New York Times” qəzetinin əməkdaşlarının Azərbaycan Respublikasının işğal olunmuş ərazilərinə səfərinə aydınlıq gətirib.

Trend-in məlumatına görə, XİN-in mətbuat xidmətinin rəhbəri Hikmət Hacıyev jurnalistlərə açıqlamasında deyib ki, "New York Times" tərəfindən səfər niyyəti barədə əvvəlcədən Azərbaycan Respublikasına məlumat verilib, Azərbaycanın ərazisinə daxil olmaq üçün "New York Times" əməkdaşlarına giriş vizası rəsmiləşdirilib və Azərbaycan ərazisində, o cümlədən işğal olunmuş ərazilərdə jurnalist fəaliyyəti ilə məşğul olmaq üçün Xarici İşlər Nazirliyi tərəfindən müvafiq akkreditasiya kartı verilib.

Qeyd edək ki, "New York Times" qəzetinin əməkdaşları Ermənistan-Azərbaycan münaqişəsi haqqında reportaj hazırlamaq məqsədilə Azərbaycanın Ermənistan tərəfindən işğal edilmiş ərazilərinə səfər ediblər.