İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Latviya XİN-in Minsk qrupunun formatının dəyişdirilməsi ilə bağlı mövqeyi

Latviya XİN-in Minsk qrupunun formatının dəyişdirilməsi ilə bağlı mövqeyi

13.02.2015

Trend:

Beynəlxalq ictimaiyyət və Avropa İttifaqı (Aİ) Azərbaycanın ərazi bütövlüyünü tam dəstəkləyirlər. Bunu Trend-ə Latviya Xarici İşlər Nazirliyinin Aİ-nin "Şərq tərəfdaşlığı" proqramı məsələləri üzrə səfiri Yuris Poykans Riqadakı "Şərq tərəfdaşlığı" Gənclər Forumunun kuluarlarında deyib.

O, qeyd edib: "Biz Azərbaycan, Gürcüstan, Ukrayna və Moldovanın ərazi bütövlüyünü dəstəkləyirik. Beynəlxalq ictimaiyyət və Aİ-nin bu məsələ üzrə dəqiq mövqeyi var".

Y.Poykans bildirib ki, dəfələrlə Bakıda olub və Dağlıq Qarabağ probleminin Azərbaycan üçün nə qədər vacib olduğunu anlayır: "Aİ Dağlıq Qarabağ münaqişəsinin nizamlanması üçün platformanı təmin edə və müəyyən stimullardan istifadə edə bilər. Lakin tərəflərdən birinə hər hansı həll yolunu məcburi qəbul etdirmək hüququna malik deyil. Yekunda münaqişə tərəfləri həll yolunu tapmalıdırlar. Beynəlxalq ictimaiyyət ümumilikdə platforma (onun nizamlanması üçün) təqdim edə bilər".

Səfir əlavə edib ki, ATƏT-in Dağlıq Qarabağ münaqişəsi üzrə Minsk qrupunun fəaliyyəti indiyədək nəzərəçarpacaq nəticə verməyib: "Minsk qrupu formatının dəyişdirilməsinə gəlincə, bu qərarı münaqişə tərəfləri qəbul etməlidir".

Diplomatın sözlərinə görə, bu il fevralın sonunda Bakıya səfər etmək niyyətindədir.