İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Strasburqda Xocalı soyqırımı qurbanlarının xatirəsi anılıb

Strasburqda Xocalı soyqırımı qurbanlarının xatirəsi anılıb

20,02,2015

Trend:

Strasburqda Xocalı soyqırımı qurbanlarının xatirəsinə həsr edilmiş musiqili gecə keçirilib. Bu barədə Trend "PRWEB UK" xəbər saytına istinadən xəbər verir.

Tədbir “Xocalıya ədalət” kampaniyası çərçivəsində Azərbaycanın Avropa Şurasındakı nümayəndəliyi və Avropa Azərbaycan Cəmiyyəti tərəfindən təşkil olunub. Gecədə dünya və Azərbaycan klassiklərinin, eləcə də müasir bəstəkarların əsərləri səsləndirilib.

Tədbirin əvvəlində Azərbaycanın Avropa Şurası yanında daimi nümayəndəsi Emin Eyyubov çıxışında deyib ki, 1992-ci ildə Ermənistan tərəfindən törədilən Xocalı soyqırımı bütün azərbaycanlılara qarşı cinayət idi: "Bu, müdafiəsiz, dinc insanların amansızlıqla kütləvi qətli idi".

E.Eyyubov xatırladıb ki, “Xocalıya ədalət” beynəlxalq məlumatlandırma kampaniyası Heydər Əliyev Fondunun vitse-prezidenti, İKGF-nin Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə beynəlxalq ictimaiyyətin bu faciə haqqında məlumatlılığının artırılması məqsədilə başlayıb.

Avropa Azərbaycan Cəmiyyətinin Fransa ofisinin rəhbəri xanım Mari-Letisiya Qordin qeyd edib ki, “Xocalıya ədalət” kampaniyası çərçivəsində dünyanın 100-dən artıq ölkəsində tədbirlər təşkil olunub.

Onun sözlərinə görə, Strasburqda keçirilən tədbir həm də Azərbaycanın Ermənistan tərəfindən işğal olunmuş ərazilərində girov götürülən Dilqəm Əsgərova və Şahbaz Quliyevə həsr edilib.