İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Bəxtiyar Əliyev: "Ermənilərin xisləti həmişə saxta tarix düzəltməkdir"

Bəxtiyar Əliyev:

20.02.2015

Trend:

“Ermənilərin xisləti həmişə saxta tarix düzəltməkdir. Onlarda belə bir siyasət var ki, əvvəl olmayan bir şeyi yazırlar, yazdırırlar, danışırlar, sonra da onu tarixi həqiqət kimi qələmə verməyə çalışırlar”. Bu barədə Trend-ə Milli Məclisin deputatı Bəxtiyar Əliyev qondarma “Dağlıq Qarabağ respublikası”nın "Artsaxın dirçəliş günü"nü qeyd etməsinə münasibət bildirərkən deyib.

B.Əliyev qeyd edib ki, bütün bunların arxasında ermənilərin həmin çirkin siyasəti durur: “Amma fakt bundan ibarətdir ki, ermənilər Azərbaycan ərazilərini işğal edib, 10 minlərlə azərbaycanlını qətlə yetirib, Xocalı soyqrımını törədiblər. Qondarma bir qurumun “rəhbəri” qondarma “təbrik” edir. Bunlar saxta tarix düzəldirlər”.

Millət vəkili bildirib ki, ermənilər xəstə düşüncəli insanlardırlar: “Bunlara qarşı ancaq mübarizə aparmaq və bu cür xəstələri müalicə etmək, müalicə olunmayan yaranı isə ümumiyyətlə, kəsib atmaq lazımdır. Ermənilər Azərbaycanın torpaqlarını işğal ediblər. Zəngəzur da, Göyçə də, İrəvan da Azərbaycanın işğal olunmuş ərazisidir. Sadəcə olaraq ermənilər özlərinin saxta tarixini düzəldirlər”.

B.Əliyevin sözlərinə görə, təəssüf doğuran odur ki, ATƏT-in Minsk qrupunun həmsədrləri ermənilərin bu hərəkətlərini qınamaq əvəzinə Azərbaycana dözümlülük, barış təklif edirlər: “Azərbaycan heç kimə qarşı müharibə etməyib, Azərbaycana qarşı müharibə olub, Azərbaycan ərazisini ermənilər işğal ediblər, azərbaycanlılara qarşı soyqrım törədilib”.