İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Avropalı deputatlar ermənilərin cəfəng təkliflərinə məhəl qoymayıblar

Avropalı deputatlar ermənilərin cəfəng təkliflərinə məhəl qoymayıblar

17.03.2015

AZƏRTAC:

Avronest Parlament Assambleyasının Yerevanda keçirilən 4-cü sessiyasında erməni deputatlar çıxış edərək Azərbaycana qarşı bir sıra qərəzli, heç bir əsası olmayan ittihamlar səsləndirib, qondarma “Dağlıq Qarabağ respublikası”nın tanınması kimi cəfəng təkliflər irəli sürüblər. Lakin avropalı deputatlar onların bu çıxışlarına məhəl qoymayıblar və nəticədə ermənilərin təklifləri rədd edilib. Bu barədə Avronest PA-da Azərbaycan nümayəndə heyətinin rəhbəri Elxan Süleymanov məlumat verib.

E.Süleymanov deyib ki, Yerevandakı sessiyada iştirak etməsə də Azərbaycan nümayəndə heyətinin təklif etdiyi düzəlişlərin ləğv olunması istiqamətində Ermənistan tərəfinin səyləri boşa çıxıb. Nümayəndə heyətimiz tərəfindən Avronest PA-nın dörd məruzəsinə təklif olunan düzəlişlərin plenar iclasda qəbul edilməsi hüququ saxlanılıb. Azərbaycan nümayəndə heyətinin irəli sürdüyü və Avropa Parlamentinin üzvləri ilə birgə imzaladığı bütün düzəlişlər artıq səsvermə siyahılarındadır.