İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

XİN: Latviya Dağlıq Qarabağda qondarma "seçkilər"i tanımır və tanımayacaq

XİN: Latviya Dağlıq Qarabağda qondarma

17.03.2015

Latviya Dağlıq Qarabağda qondarma "parlament seçkiləri"ni heç vaxt tanımayıb və mayda keçiriləcək “seçkilər”i də tanımayacaq. Bunu Trend-ə Latviya Xarici İşlər Nazirliyindən (XİN) Dağlıq Qarabağda bu il mayın 3-nə planlaşdırılan qondarma "parlament seçkiləri" ilə bağlı ölkənin mövqeyini şərh edərkən deyiblər.

XİN-in mətbuat katibi İvars Lasis bildirib: “Biz əminik ki, Dağlıq Qarabağ münaqişəsi yalnız sülh yolu ilə beynəlxalq hüquq və dövlətlərin suverenliyi və ərazi bütövlüyünün baza prinsipləri əsasında həll edilməlidir”.

Onun sözlərinə görə, Latviya ATƏT-in Minsk qrupunun həmsədrlərinin vasitəçiliyi ilə münaqişənin nizamlanmasına yönəlmiş danışıqları dəstəkləyir: “Latviya hesab edir ki, münaqişənin nizamlanması prosesində Ermənistan və Azərbaycan arasında yüksək səviyyədə birbaşa təmaslar çox vacibdir. Münaqişənin davamlı nizamlanmasının əldə edilməsinə yönəlmiş səylər davam etdirilməlidir”.