İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Moldovanın nüfuzlu “Ekspert Novostey” qəzetində azərbaycanlılara qarşı soyqırımı haqqında material dərc edilib

Moldovanın nüfuzlu “Ekspert Novostey” qəzetində azərbaycanlılara qarşı soyqırımı haqqında material dərc edilib

03.04.2015

Azərbaycan Respublikasının Moldova Respublikasındakı səfirliyindən AZƏRTAC-a verilən məlumata görə, bu günlərdə Kişineuda Moldovanın nüfuzlu “Ekspert Novostey” qəzetində moldovalı alim, tarix elmləri doktoru Ruslan Şevçenkonun 1918-ci ilin mart ayında azərbaycanlılara qarşı törədilmiş soyqırımına həsr olunmuş “97 il bundan əvvəl 30 mindən çox azərbaycanlı qətlə yetirilib” sərlövhəli geniş məqaləsi dərc edilib.

Tarixi materiallar əsasında yazılmış məqalədə erməni terrorçular və onların himayədarları tərəfindən Azərbaycan xalqına qarşı 97 il bundan əvvəl törədilmiş dəhşətli soyqırımı aktlarından bəhs edilir.

Cəzasız cinayət yoxdur və ola da bilməz. XX əsrdə soyqırımının və etnik təmizləmələrin tarixini əks etdirən qanlı səhifələr çox olub. 1918-ci ilin mart ayında Azərbaycan xalqının başına gətirilmiş faciə ən dəhşətli cinayətlərdən biridir. Bu fikir moldovalı tarixçinin məqaləsinin əsas leytmotividir.

http://azertag.az/xeber/843283