İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Azərbaycanlı alimin “Sözde “ermeni soykırımı”nın 100.yılı” adlı kitabı Türkiyədə çap olunub

Azərbaycanlı alimin “Sözde “ermeni soykırımı”nın 100.yılı” adlı kitabı Türkiyədə çap olunub

04.04.2015

Azərbaycanlı alim, Türkiyənin Kayseri şəhərindəki Ərciyəs Universitetinin dosenti Qafar Çaxmaqlının “erməni məsələsi”nə həsr olunmuş tədqiqatı Türkiyədə çap edilib.

APA-nın Türkiyə müxbiri xəbər verir ki, Ərciyəs Universiteti Strateji Araşdırmalar Mərkəzi (ERUSAM) tərəfindən çap edilmiş “Sözde “ermeni soykırımı”nın 100.yılı” adlı əsər “Erivan”ın 24 Nisan 2015 hazırlıkları” və “Eski Oğuz yurdu tek uluslu ermeni devletine nasıl dönüştürüldü” başlıqlarını daşıyan iki hissədən ibarətdir.

ERUSAM-ın direktoru, dosent Cevdet Kırpık kitaba yazıdığı ön sözdə qondarma “soyqırım”ın 100-cü ilinə Ermənistandakı hazırlıqların mahiyyəti və “soyqırım” bəhanəsiylə Türkiyəyə qarşı yönəldiləcək suçlamaların Qafar Çaxmaqlı tərəfindən ilk mənbələr əsasında məharətlə ifşa edildiyini vurğulayıb.

Kitabın ikinci hissəsində isə Q. Çaxmaqlı XX əsrin əvvəllərindən başlayaraq, indiki Ermənistan ərazisindəki Azərbaycan türklərinin planlı şəkildə soyqırıma məruz qoyulmasını və deportasiya edilməsi nəticəsində yaranmış monoetnik Ermənistan dövlətinin təcavüzkar siyasətinin xüsusiyyətlərini ortaya qoyub.

Q. Çaxmaqlı Türkiyədə az bilinən hadisələrdən olan ermənilərin 31 mart 1918-ci ildə Bakıda Azərbaycan türklərinə qarşı həyata keçirdikləri soyqırımın təfərrüatlarına da kitabında geniş yer verib.

Qeyd edək ki, 2011-ci ildən Kayseridəki Ərciyəs Universitetində çalışan Q. Çaxmaqlı orada erməni dilini tədris edir. 2013-cü ildə onun “Ermenice dersler (kendi-kendine ermenice öğrenenler için)” adlı kitabı çapdan çıxıb.

Q. Çaxmaqlının erməni terrorçuluğunun mahiyyətini əks etdirən kitabı isə yaxın vaxtlarda İstanbulda işıq üzü görəcək.