İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Türkiyə XİN-i ABŞ və Almaniya prezidentlərinin uydurma "erməni soyqırımı" ilə əlaqədar bəyanatlarını pisləyib

Türkiyə XİN-i ABŞ və Almaniya prezidentlərinin uydurma

25.04.2015

Türkiyə Xarici İşlər Nazirliyi ABŞ və Almaniya prezidentlərinin uydurma "erməni soyqırımı" ilə bağlı mövqelərini pisləyib.

APA-nın məlumatına görə, bu barədə Türkiyə XİN-in müvafiq bəyanatlarında deyilir.

“Heç kim türk xalqını törətmədiyi cinayətdə təqsirləndirə bilməz. Almaniyanın nəhəng türk icması bu kimi ittihamlar qarşısında susmayacaq. Türk xalqı prezident Qaukun bəyanatlarını unutmayacaq və bağışlamayacaq”, sənəddə qeyd edilib.

Türkiyə XİN-i həmçinin Barak Obamanın verdiyi açıqlamaya da münasibət bildirib: “ABŞ prezidentinin 1915-ci il hadisələri ilə bağlı bəyanatındakı qeyri-obyektiv və qərəzli yanaşmanı rədd edir, türklər ilə ermənilərin ortaq tarixlərinin ağrılı hissəsini ədalətli bir yaddaş əsasında qiymətləndirməkdən çox uzaq olduğunu bildiririk”.