İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Çin separatçı Dağlıq Qarabağ rejimini tanıması barədə məlumatı təkzib etdi

Çin separatçı Dağlıq Qarabağ rejimini tanıması barədə məlumatı təkzib etdi

21.05.2015

Çin guya Pekinin BMT Təhlükəsizlik Şurasına separatçı Dağlıq Qarabağ rejiminin tanınması haqqında qətnamə təqdim etməsi barədə KİV-lərin yaydığı məlumatı yalan adlandırıb.

Çinin Bakıdakı səfirliyi ölkənin rəsmi mövqeyini Azərbaycan tərəfinin sorğusunu cavablandırarkən izah edib. Bunu Trend-ə Azərbaycan Xarici İşlər Nazirliyinin mətbuat katibi Hikmət Hacıyev deyib.

Rusiya mətbuatının yaydığı məlumatda bildirilirdi ki, guya Çinin Baş naziri “Twitter” səhifəsində yazıb: “Əgər ABŞ, Fransa və Rusiya Çinin separatçı Dağlıq Qarabağ rejiminin tanınması haqqında qətnaməsini dəstəkləsə, o, müstəqil ölkə olacaq və BMT-yə daxil olacaq”.

H.Hacıyev qeyd edib ki, bu məlumat erməni təbliğatçılarının növbəti mənasız şousudur.

Azərbaycan XİN ölkəmizin Çindəki səfirliyinə Rusiya KİV-lərinin məlumatını bu ölkənin Xarici İşlər Nazirliyinin diqqətinə çatdırmağı tapşırıb.

Qeyd edək ki, Çində sosial şəbəkələrə giriş qadağandır.