İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Elmar Məmmədyarov: “Ermənistan dünya ictimaiyyətinin Dağlıq Qarabağ münaqişəsinin sülh yolu ilə həll edilməsi çağırışlarına məhəl qoymur”

Elmar Məmmədyarov: “Ermənistan dünya ictimaiyyətinin Dağlıq Qarabağ münaqişəsinin sülh yolu ilə həll edilməsi çağırışlarına məhəl qoymur”

02.06.2015

Ermənistan beynəlxalq hüquq normalarını, BMT nizamnaməsini kobud şəkildə pozmaqla Azərbaycana qarşı hərbi təcavüz həyata keçirib. Trend-in məlumatına əsasən, bunu Azərbaycan xarici işlər naziri Elmar Məmmədyarov Rusiyanın “Nezavisimaya qazeta” qəzetinə müsahibəsində deyib.

Müxbirin Dağlıq Qarabağ münaqişəsi ilə bağlı sualını cavablandıran nazir bildirib: “Nəticədə Azərbaycan ərazisinin təqribən 20 faizi işğal altındadır, bir milyondan artıq azərbaycanlı amansız etnik təmizləməyə məruz qalıb. Bundan başqa, bütün hüquq normalarını pozmaqla Ermənistan silahlı qüvvələri hökumətin də iştirak etdiyi hərbi təlimlər keçirir. İşğal edilmiş torpaqların Suriya və Liviya qaçqınları ilə məskunlaşdırılma cəhdləri də davam edir. Bütün bu ehtiyatsız addımlar və neqativ elementlər münaqişənin sülh yolu ilə nizamlanmasına ciddi şəkildə əngəl olur”.

E.Məmmədyarov həmçinin qeyd edib ki, ATƏT-in Minsk Qrupu həmsədrlərinin sülh sazişi ilə bağlı israrlı çağırışlarına baxmayaraq, münaqişə ilə bağlı məsələdə irəliləyiş yoxdur, belə ki, Ermənistan bütün bu çağırışlara məhəl qoymur: “Hesab edirik ki, bu münaqişənin nizamlanması məsələsində irəliləyiş əldə etmək üçün ATƏT-in Minsk Qrupu həmsədrləri və sülhməramlı missiyası Ermənistanı sülhə vadar etməklə bağlı tədbirlər görməlidir”.