İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

ABŞ-ın Azərbaycan icması Birləşmiş Ştatlar hökumətini Ermənistana təzyiq göstərməyə çağırır

ABŞ-ın Azərbaycan icması Birləşmiş Ştatlar hökumətini Ermənistana təzyiq göstərməyə çağırır

03.08.2015

ABŞ-da çıxan “Journal Star” qəzetində ABŞ-ın Azərbaycan icmasının üzvü Nicat Uorlinin Azərbaycanın Ağdam rayonunun işğalının 22-ci ildönümü ilə əlaqədar “Ermənistana təzyiq göstərin” sərlövhəli müraciəti dərc olunub. Məqalədə Ermənistanın 1987-ci ilin sonunda başladığı Azərbaycanın Dağlıq Qarabağ regionunun qəsb edilməsi siyasətindən danışılır. Azərbaycan SSR parlamenti və SSRİ Ali Sovetinin Rəyasət Heyəti erməni millətçilərinin Azərbaycan ərazilərini Ermənistana birləşdirmək tələblərini rədd etdikdən sonra Ermənistan Azərbaycana qarşı elan edilməmiş müharibəyə başladı və 1992-cı ilin ortalarına doğru azərbaycanlı əhalini ölkənin Dağlıq Qarabağ regionundan qovdu.

Sonra məqalədə Ağdam rayonu, məcburi köçkünlər və Ağdamın erməni silahlı qüvvələri tərəfindən işğal edilməsi nəticəsində Azərbaycana vurulan ziyan barədə statistik məlumatlar gətirilir. BMT Təhlükəsızlik Şurasının Dağlıq Qarabağ münaqişəsinə dair 1993-cü il tarixli dörd qətnaməsinin və BMT Baş Məclisinin 2008-ci il tarixli qətnaməsinin əhəmiyyətini qeyd edən müəllif ABŞ hökumətini Ermənistana təzyiq göstərməyə, onu beynəlxalq qurumların qətnamələrinə riayət etməyə, işğalçı qoşunlarını suveren Azərbaycanın ərazilərindən çıxarmağa və məcburi köçkünlərin öz doğma yurdlarına qayıtmasına şərait yaratmağa məcbur etməyə çağırır.

Xatırladaq ki, “Journal Star” qəzetində müraciət ABŞ Azərbaycanlıları Şəbəkəsinin Amerika ictimaiyyətinin Ermənistan-Azərbaycan münaqişəsinin reallıqları və Ermənistanın Azərbaycana hərbi təcavüzü barədə məlumatlandırılmasına dair ənənəvi kampaniyası çərçivəsində dərc olunub.

AZƏRTAC