İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Fransalı deputat: "Beynəlxalq təşkilatların mövqeyi ondan ibarətdir ki, Dağlıq Qarabağ Azərbaycanın tarixi ərazisidir"

Fransalı deputat:

02.10.2015

Bunu APA-nın Moskva müxbirinə açıqlamasında Fransa hökumətinin sabiq naziri, hazırda FransanınAŞPA və ATƏT Parlament Assambleyasındakı nümayəndə heyətinin üzvü, Fransa-Azərbaycan dostluq qrupunun keçmiş rəhbəri Tyerri Mariani deyib.

"Hər kəs bilir ki, Dağlıq Qarabağ münaqişəsinin həlli ilə 20 ildir ATƏT-in Minsk qrupu məşğul olur. Lakin onlar münaqişənin həlli yolunu tapa bilməyiblər. Fikrimcə, münaqişənin həlli yolunu tapmaq üçün Azərbaycanla Ermənistan arasında real dialoqun qurulmasına ehtiyac var. Son günlər təmas xəttində baş verən insidentlərdən xəbərim var. Bu, Avropada hər kəsi kimi məni də narahat edir. Beynəlxalq təşkilatların qəbul etdiyi qətnamələrə hörmət edilməlidir. Beynəlxalq təşkilatların mövqeyi isə ondan ibarətdir ki, bu torpaqlar Azərbaycanın tarixi əraziləridir", - deyə deyə fransalı deputat vurğulayıb.

"Rusiya Krımı işğal edərkən Qərb tərəfindən müəyyən sanksiyalarla, təzyiqlərlə üz-üzə qaldı. Ermənistan isə 20 ildən artıqdır ki, Azərbaycan ərazilərini işğal edib.

“İşğal faktına görə Qərb Ermənistana təzyiq edə və ya sanksiya qəbul edə bilərmi?” sualına isə Tyerri Mariani belə cavab verib: "Rusiya Krımı işğal edərkən Qərb tərəfindən müəyyən sanksiyalarla, təzyiqlərlə üz-üzə qaldı. Ermənistan isə 20 ildən artıqdır ki, Azərbaycan ərazilərini işğal edib. Bu ikili standartdır. Bunu görmək çox asandır. Ukraynaya kömək etmək üçün Rusiyaya qarşı təzyiqə fikir verin. Amma işğal altındakı Azərbaycan ərazilərinin qaytarılması üçün eyni təzyiqi görmək mümkün deyil. Hər iki ölkənin yekun sazişə ehtiyacı var. Fikrimcə, həm Azərbaycan, həm də Ermənistan tezliklə sülhün əldə olunmasında maraqlıdır".