İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Moskva Azərbaycan və Ermənistanı Dağlıq Qarabağ üzrə dialoqu bərpa etməyə çağırır

Moskva Azərbaycan və Ermənistanı Dağlıq Qarabağ üzrə dialoqu bərpa etməyə çağırır

14.10.2015

Moskva Dağlıq Qarabağ münaqişəsi tərəflərini kompromis əldə etmək üçün güc tətbiqindən imtinaya və siyasi iradə göstərməyə çağırır. Trend-in RİA Nosvosti-yə istinadən verdiyi məlumata görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

M.Zaxarova bildirib ki, təəssüf ki, siyasi dialoqun bərpa edilməsi münaqişə zonasında vəziyyətin gərginləşməsi, o cümlədən dinc əhali arasında qurbanların sayının artması ilə çətinləşir: "Bundan sonra eskalasiya yolverilməzdir. Tərəfləri kompromis əldə etmək üçün güc tətbiqindən imtinaya və siyasi iradə göstərməyə çağırırıq".

M.Zaxarova qeyd edib ki, Dağlıq Qarabağ münaqişəsinin nizamlanması Azərbaycan və Ermənistan XİN rəhbərlərinin cari ilin aprel-may aylarında Moskvaya səfərləri zamanı ətraflı nəzərdən keçirilib: "Bu məsələ Sergey Lavrovun xarici həmkarları ilə mövcud təmaslarının da mövzusudur. Biz ABŞ və Fransa ilə bu istiqamətdə qarşılıqlı formada sıx fəaliyyət göstəririk. Bu yaxınlarda BMT Baş Assambleyasının 70-ci sessiyası çərçivəsində Rusiyanın xarici işlər naziri ATƏT-in Minsk Qrupu ilə görüş keçirdi. Görüşdə həmsədrlərin bu ay regiona səfəri ərəfəsində nizamlanmanın praktiki məsələləri nəzərdən keçirilib".