İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Həmsədr: AŞPA-nın Dağlıq Qarabağ münaqişəsi ilə bağlı qətnamə layihəsini alqışlayırıq

Həmsədr: AŞPA-nın Dağlıq Qarabağ münaqişəsi ilə bağlı qətnamə layihəsini alqışlayırıq

06.11.2015

ATƏT-in Minsk qrupu Avropa Şurası Parlament Assambleyasının Dağlıq Qarabağ münaqişəsinin tənzimlənməsi ilə bağlı qətnamə layihəsini alqışlayır. Bunu Trend-ə Minsk qrupunun ABŞ-dan olan həmsədri Ceyms Uorlik deyib.

C.Uorlik bildirib: “Biz AŞPA-nın qətnamə layihəsini oxumuşuq. AŞPA-nın məruzəçiləri və bu məsələdə maraqlı olan üzvləri ilə Dağlıq Qarabağ münaqişəsinin həlli istiqamətində danışıqlarla bağlı məsləhətləşmələr aparmaq niyyətindəyik”.

C.Uorlik vurğulayıb ki, Minsk qrupu münaqişənin uzunmüddətli həlli yollarının tapılmasına köməklik göstərmək üçün istənilən təşkilatla əməkdaşlıq etməyə hazırdır.

Qeyd edək ki, AŞPA-nın Demokratiya və Siyasi Məsələlər Komitəsinin məruzəçisi Robert Valterin "Azərbaycanın Dağlıq Qarabağ və digər işğal olunmuş ərazilərində zorakılığın artmasına dair” hazırladığı hesabat əsasında bu komitədə qəbul olunan qətnamədə Ermənistan Silahlı Qüvvələrinin Dağlıq Qarabağdan və Azərbaycanın digər işğal edilmiş ərazilərindən çıxarılmasına çağırış edilir.