İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

AŞ PA-nin siyasi komitəsi Ermənistanı Sərsəng su anbarından təzyiq vasitəsi kimi istifadə etməməyə və qoşunları çıxarmağa çağırıb

AŞ PA-nin siyasi komitəsi Ermənistanı Sərsəng su anbarından təzyiq vasitəsi kimi istifadə etməməyə və qoşunları çıxarmağa çağırıb

27.11.2015

Trend:

AŞ PA-nın Siyasi məsələlər üzrə komitəsi deputat Militsa Markoviçin Sərsəng su anbarı ilə bağlı hazırladığı məruzə əsasında qətnamə layihəsini qəbul edib. Bu barədə Trend AŞ PA-nın saytına istinadən məlumat verir.

Sənəddə Ermənistanın işğal etdiyi Azərbaycan ərazisində yerləşən Sərsəng su anbarının bu ölkə tərəfindən düzgün istifadə edilməməsinə görə böyük fəlakətin mümkünlüyü barədə xəbərdarlıq yer alır.

Məruzədə deyilir: “Ermənistanın işğal etdiyi Azərbaycanın rayonlarının birində yerləşən su anbarına 20 il ərzində müntəzəm texniki xidmət göstərilməməsinə görə bütün sərhədyanı region üçün təhlükə törədir”.

Həmçinin qeyd edilir ki, Sərsəng bəndinin lazımı vəziyyətdə olmaması xeyli sayda insan ölümü ilə böyük fəlakətə və yeni humanitar böhrana gətirib çıxara bilər.

AŞ PA komitəsi bu, təxirəsalınmaz humanitar problemlə əlaqədar Ermənistan Silahlı Qüvvələrinin qeyd edilən regiondan dərhal çıxarılmasına çağırıb. Məqsəd müstəqil mühəndislərin və hidroloqların su anbarına girişinin təmin edilməsindən ibarətdir.