İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Elmar Məmmədyarov: Dağlıq Qarabağ münaqişəsinin həlli üçün Ermənistan silahlı qüvvələri işğal olunmuş ərazilərdən çıxarılmalıdır

Elmar Məmmədyarov: Dağlıq Qarabağ münaqişəsinin həlli üçün Ermənistan silahlı qüvvələri işğal olunmuş ərazilərdən çıxarılmalıdır

01.02.2014

Dağlıq Qarabağ münaqişəsinin həllinə nail olmaq üçün ilk növbədə Ermənistan silahlı qüvvələri işğal olunmuş Azərbaycan ərazilərindən çıxarılmalıdır.

Trend-in Azərbaycanın Xarici İşlər Nazirliyinin mətbuat xidmətinə istinadən verdiyi məlumata görə, bunu nazir Elmar Məmmədyarov Münhen Təhlükəsizlik Konfransında iştirakı çərçivəsində Almaniyanın ən iri ictimai televiziya kanallarından olan ZDF-in baş redaktor müavini Elmar Tevessen ilə görüşü zamanı bildirib.

Görüş əsnasında E.Məmmədyarov Azərbaycanın xarici siyasətinin prioritetləri, müstəqilliyini qazandıqdan sonra ölkəmizin sosial-iqtisadi tərəqqisi və qısa müddət ərzində əldə etdiyi nailiyyətlər barədə danışıb.

Nazir Azərbaycanın uğurlu enerji siyasəti və Avropanın enerji təhlükəsizliyində oynadığı roldan danışaraq, bu xüsusda TANAP və TAP layihələri və "Şahdəniz-2" layihəsi üzrə yekun investisiya qərarının imzalanmasına dair 17 dekabr 2013-cü ildə Bakıda keçirilmiş mərasim barədə məlumat verib.

Azərbaycan ilə Avropa İttifaqı arasında əlaqələrin gələcək inkişaf perspektivlərinə toxunan E.Məmmədyarov bu münasibətlərin strateji tərəfdaşlıq səviyyəsində həyata keçirilməsinin hər iki tərəf üçün kəsb etdiyi əhəmiyyəti vurğulayıb.