İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

XİN: Rusiya Dağlıq Qarabağ münaqişəsinin həlli üzrə qətiyyətli səylər göstərəcək

XİN: Rusiya Dağlıq Qarabağ münaqişəsinin həlli üzrə qətiyyətli səylər göstərəcək

25.12.2015

Azərbaycan və Ermənistan prezidentlərinin görüşündə sıçrayış olmadı. Trend-in məlumatına görə, bunu brifinqdə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova deyib.

O bildirib: "Güman edirik ki, baş tutmuş sammit Dağlıq Qarabağ münaqişəsinin nizamlanması işinin müəyyən mərhələsidir".

M.Zaxarovanın sözlərinə görə, prezidentlərin üz-üzrə danışmaq və bütün təklifləri müzakirə etmək, eləcə də mübahisəli məsələlər üzrə mövqeləri dəqiqləşdirmək imkanı olub.

XİN nümayəndəsi qeyd edib ki, görüşdə Ermənistan və Azərbaycan qoşunlarının təmas xəttində yaranmış qeyri-qənaətbəxş vəziyyət nəzərdən keçirilib: "Rusiya tərəfi münaqişənin siyasi-diplomatik yolla dinc həllinə yönəlmiş yüksək səviyyədə keçirilən dialoqun davam etdirilməsinə müsbət yanaşır. ATƏT-in Minsk qrupunun vasitəçilik fəaliyyəti davam etdiriləcək və bundan başqa, Rusiya Minsk qrupunun həmsədrləri ilə razılaşdırılmış yanaşmalar əsasında tərəflərə güzəşt əldə etməyə kömək etmək məqsədilə qətiyyətli səylər göstərəcək".