İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

MN: ATƏT-in Minsk Qrupu həmsədrlərinin bayramlarda atəşkəsə əməl edilməsi çağırışını Ermənistan rədd edib

MN: ATƏT-in Minsk Qrupu həmsədrlərinin bayramlarda atəşkəsə əməl edilməsi çağırışını Ermənistan rədd edib

24.03.2016

Ermənistan tərəfi təxribatlarını gizlətmək məqsədilə dezinformasiya yaymağa üstünlük verir.

Müdafiə Nazirliyindən Trend-ə verilən məlumata görə, ATƏT-in Minsk Qrupu həmsədrlərinin Novruz və Pasxa bayramları müddətində atəşkəs rejiminə ciddi əməl edilməsi çağırışı Ermənistan tərəfindən birtərəfli qaydada rədd edilib.

Bildirilir ki, Novruz ərəfəsində və bayram günlərində Ermənistan silahlı qüvvələrinin bölmələri iriçaplı silahlardan, minaatan və qumbaraatanlardan istifadə etməklə qoşunların təmas xəttində gərginliyi xeyli artırıb. Düşmən mövqelərimizi, cəbhəboyu zonada yerləşən kəndləri, eləcə də hərbi əhəmiyyət kəsb etməyən mülki obyektləri atəşə tutmaqda davam edib.

Bu günlər ərzində düşmən tərəfindən açılan atəşlər nəticəsində cəbhənin müxtəlif istiqamətlərində martın 19-da müddətdən artıq həqiqi hərbi xidmət hərbi qulluqçusu əsgər Rüstəmov Əsəd Vahid oğlu və martın 20-də isə müddətdən artıq həqiqi hərbi xidmət hərbi qulluqçusu kiçik çavuş Həsənov Nicat Cəbrayıl oğlu yüngül yaralanıb. Hərbçilərə tibbi yardım göstərilib və onların həyatı üçün heç bir təhlükə yoxdur.

Hər dəfə vasitəçilərin sülh təşəbbüslərinə Ermənistan tərəfinin cəbhədə təxribat törətməklə gərginlik yaratmasının müntəzəm xarakter alması artıq təəccüb hissi doğurmur. Azərbaycan tərəfi vasitəçiləri, bütün beynəlxalq təşkilatları erməni tərəfinin yaydığı dezinformasiyalara uymamağa və onun təxribatlarına müvafiq qiymət verməyə çağırır.

Müdafiə Nazirliyi bildirir ki, düşmənə qarşı tətbiq olunacaq cəza tədbirləri və bundan sonra onun verəcəyi itkilərə görə məsuliyyət hər zaman olduğu kimi Ermənistanın kriminal rejiminin üzərinə düşəcəkdir.