İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

İran Dağlıq Qarabağ münaqişəsinin beynəlxalq hüquq əsasında həll olunmasına çağırıb

İran Dağlıq Qarabağ münaqişəsinin beynəlxalq hüquq əsasında həll olunmasına çağırıb

10.04.2016

İranın xarici işlər naziri Məhəmməd Cavad Zərif Dağlıq Qarabağ münaqişəsinin tərəflərini konfliktin beynəlxalq hüquq əsasında, sülh yolu ilə nizamlanmasına çağırıb.

"Əgər Dağlıq Qarabağ münaqişəsinin tərəfləri istəsə, İran regionda əmin-amanlığın bərpası üçün kömək etməyə hazırdır". Trend-in İrna agentliyinə istinadən verdiyi məlumata əsasən, bunu Zərif Tehranda eston həmkarı Marina Kalyurand ilə birgə mətbuat konfransında bildirib.

Iranın regionda yeni münaqişələrinin qarşısının alınmasının tərəfdaşı olduğunu deyən Zərif qeyd edib ki, ölkə həm də mövcud konfliktlərin dayandırılmasını alqışlayır.

XİN başçısı əlavə edib ki, İran rəsmiləri, prezident Həsən Ruhani daxil olmaqla, Azərbaycan və Ermənistan hakimiyyətləri ilə Qafqaz regionunda son hərbi əməliyyatlarla bağlı danışıqlar keçiriblər.