İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Aureliya Qriqoriu: Azərbaycanın mülki əhalisi erməni təcavüzündən əziyyət çəkir

Aureliya Qriqoriu: Azərbaycanın mülki əhalisi erməni təcavüzündən əziyyət çəkir

29.04.2016

"Azərbaycanın mülki əhalisi Ermənistanın təcavüzündən əziyyət çəkir. Biz bunu bu gün gözümüzlə gördük".

Trend-in xüsusi müxbirinin verdiyi məlumata görə, bunu ermənilərin son dövrdə yaşayış məntəqələrimizi atəşə tutması nəticəsində Ağdamda dağılmış evlərə və yaralanan şəxslərə baş çəkərkən Moldovanın keçmiş ombudsmanı Aureliya Qriqoriu deyib.

O, qeyd edib: "Biz bu gün xəstəxanalarda gördük ki, ermənilərin hərbi təcavüzündən mülki əhali əziyyət çəkir. Ermənilər mülki insanların öz fəaliyyəti ilə məşğul olmasına imkan vermir. Bunları nəzərə alaraq hesab edirəm ki, beynəlxalq ictimaiyyət buna reaksiya verməli və Ermənistanın bu təcavüzünü pisləməlidir. Ermənistanın bu təcavüzü ilə bağlı həm BMT Baş Assambleyasına, həm də beynəlxalq məhkəməyə sənədlər göndərilməlidir ki, Ermənistan bu cinayət əməlinə görə məsuliyyət daşısın".

Qeyd edək ki, bu gün Azərbaycanda akkreditasiyadan keçmiş xarici ölkələrin media orqanlarının təmsilçiləri və yerli KİV nümayəndələrindən bir qrup Bərdə və Ağdam rayonuna gəlib.