İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Lavrov: Bakıda Qarabağ üzrə keçirilmiş danışıqlar irəliləməyə imkan verəcək

Lavrov: Bakıda Qarabağ üzrə keçirilmiş danışıqlar irəliləməyə imkan verəcək

12,07,2016

Azərbaycan Prezidenti İlham Əliyevlə söhbət olduqca faydalı idi və Vyana ilə Sankt-Peterburq görüşlərindən sonra irəliləməyə kömək edəcək.

Trend-in məlumatına görə, bunu Rusiyanın xarici işlər naziri Sergey Lavrov bu gün Bakıda azərbaycanlı həmkarı Elmar Məmmədyarovla keçirdiyi birgə mətbuat konfransında deyib.

Nazir qeyd edib ki, Rusiya və Azərbaycan əlaqələri tərəfdaşlıq xarakteri daşıyır: "Biz siyasi səviyyədə intensiv dialoq aparırıq, iki ölkə arasında ticari-iqtisadi münasibətlər xüsusi diqqət tələb edir".

Onun sözlərinə görə, humanitar sahədə əməkdaşlığın dinamikası da qənaətbəxşdir.

S.Lavrov qeyd edib ki, məlum səbəblərə görə Dağlıq Qarabağ üzrə görüşün təfərrüatları müzakirə olunmur: "Ümidlərin artdığı bir vaxtda irəliləyişi pozmamaq üçün məsələlərə ehtiyatla yanaşmaq lazımdır. Bu, istənilən diplomatik korpusun etik normasıdır. Lakin bu gün nailiyyətə əvvəlkindən daha çox yaxın olduğumuzu güman etməyə əsas var".