İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Məmmədyarov: Lavrovun verdiyi informasiya nikbinlik yaradır

Məmmədyarov: Lavrovun verdiyi informasiya nikbinlik yaradır

12.07.2016

Azərbaycan Prezidenti İlham Əliyevin ötən gün Rusiyanın xarici işlər naziri Sergey Lavrovla keçirdiyi danışıqlar zamanı həm ikitərəfli əməkdaşlığın səviyyəsi müzakirə edilib, həm də Dağlıq Qarabağ münaqişəsinin tənzimlənməsi yolları barədə fikir mübadiləsi aparılıb.

Trend-in məlumatına görə, bunu Azərbaycanın xarici işlər naziri Elmar Məmmədyarov bu gün rusiyalı həmkarı S.Lavrovla keçirdiyi birgə brifinqdə deyib.

Onun sözlərinə görə, S.Lavrovun verdiyi informasiya nikbinlik yaradır.

Nazir qeyd edib ki, Dağlıq Qarabağ münaqişəsi çərçivəsində mərhələli irəliləmək lazımdır.

E.Məmmədyarov əlavə edib ki, münaqişənin hərbi yolla həlli bütün region üçün böyük təhlükə törədir.

Onun sözlərinə görə, hazırda danışıqlar masasındakı həll edilməmiş formulirovkalar və bəndlər üzərində iş gedir: "Hazırda Rusiya və Azərbaycan arasında qaşılqlı fəaliyyət səviyyəsi çox yüksəkdir. İqtisadi tərkib hissəsi çox maraqlıdır".

Nazir əlavə edib ki, Dağlıq Qarabağ üzrə danışıqlar əyani və substantiv gedir və qalan məsələlərin həll edilməsi halında gələcəyə ehtiyatla nikbin baxmaq olar: "Prezidentlərin növbəti görüşünə gəlincə, konret qərar daha sonra qəbul ediləcək. Bunun Fransa və ya başqa ölkədə olacağı hələ aydın deyil".