İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Britaniyalı deputat “Many Happy Returns” kampaniyasına qoşulduğunu bəyan edib

Britaniyalı deputat “Many Happy Returns” kampaniyasına qoşulduğunu bəyan edib
17.07.2014

Bakı, 17 iyul (AzərTAc). Böyük Britaniya-Azərbaycan parlamentlərarası dostluq qrupunun katibi və Mühafizəkarlar Partiyasının deputatı Bob Bləkmən “Many Happy Returns” kampaniyasını dəstəklədiyini bəyan edib.

B.Bləkmən dəfələrlə dostluq qrupunun Azərbaycana təşkil etdiyi səfərlərdə iştirak edib və ölkəmizə böyük maraq oyadıb. Ötən həftə B.Bləkmən Böyük Britaniya parlamentində “ASAN xidmət”lə bağlı “dəyirmi masa”, 2011-ci ildə isə “Azərbaycan və Cənubi Qafqaz” mövzusunda debat təşkil etmişdir. Onun təmsil etdiyi Hərou İst seçki dairəsi böyük yəhudi icmasının vətənidir və o, seçicilərlə hər görüşündə Azərbaycanda bütün dini konfessiyalara hörmətlə yanaşılmasından və Qubadakı Qırmızı Qəsəbəyə səfərlərindən danışıb. Həmçinin Azərbaycan ilə Böyük Britaniya arasında inkişaf edən ticarət əlaqələrindən, ölkədəki dini və etnik tolerantlıqdan, əldə edilən iqtisadi tərəqqidən bəhs edib. B.Bləkmən həm də Ermənistan-Azərbaycan, Dağlıq Qarabağ münaqişəsindən və erməni işğalının qurbanı olan bir milyondan artıq azərbaycanlı qaçqın və məcburi köçkünün vəziyyətini öz gözləri ilə görməsindən danışıb.

“Many Happy Returns” kampaniyasının adı ingilissayağı təbrik mesajının əsasında seçilib. Bu, eyni zamanda, öz yurd-yuvalarına qayıtmaq istəyən insanların da arzularının həyata keçməsi üçün edilən duadır. İnternet səhifəsində tanınmış alman fotoqrafı Filip Ratmer tərəfindən çəkilmiş, Azərbaycan rayonlarında yerləşən qaçqın düşərgələrindən üçündə yaşayan məcburi köçkünlərin fotoları yerləşdirilmişdir.

B.Bləkmən demişdir: “Many Happy Returns” kampaniyasına uğurlar. Bu insanlar bizim dəstəyimizə layiqdirlər”.

MHR internet səhifəsi həm də öz istifadəçilərinə Dünya Qaçqınlar Gününün dəyişilərək Dünya Qaçqın və Məcburi Köçkünlər Günü kimi qeyd edilməsi təklifini dəstəkləmək imkanı verir.