İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Səfir: “İran Dağlıq Qarabağda xarici sülhməramlı qüvvələrin yerləşdirilməsinin əleyhinədir”

Səfir: “İran Dağlıq Qarabağda xarici sülhməramlı qüvvələrin yerləşdirilməsinin əleyhinədir”

21.07.2014

İran regionda xarici sülhməramlı qüvvələrin yerləşdirilməsinin əleyhinədir.

APA-nın “news.am” saytına istinadən verdiyi məlumata görə, belə bir bəyanatla İranın Ermənistandakı səfiri Məhəmməd Rəisi İrəvanda keçirilən brifinqdə çıxış edib.

Sülhməramlı qüvvələrin Dağlıq Qarabağ münaqişəsi zonasında yerləşdirilməsi ehtimalını şərh edən səfir qeyd edib ki, rəsmi Tehran bu təşəbbüsün əleyhinədir. Onun sözlərinə görə, bu məsələnin həlli Ermənistan, Azərbaycan və ATƏT-in Minsk qrupundan asılıdır.

“Mən əminəm ki, kənar qüvvələrin yerləşdirilməsi bölgədəki təhlükəsizliyi sual altına qoya bilər. İraq və Əfqanıstan bunun bariz nümunəsidir”, - deyə o vurğulayıb.

İranın regionda istənilən zorakılıq təzahürlərinə qarşı olduğunu deyən diplomat Tehranın Dağlıq Qarabağ münaqişəsinin sülh yolu ilə həllinə tərəfdar olduğunu bildirib. O qeyd edib ki, Dağlıq Qarabağda hərbi əməliyyatların bərpası ehtimalı azdır.