İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Ermənistanın müdafiə naziri təhlükəsizlik məqsədilə Azərbaycanla sərhəddə yeni sistem qurduqlarını bildirib

Ermənistanın müdafiə naziri təhlükəsizlik məqsədilə Azərbaycanla sərhəddə yeni sistem qurduqlarını bildirib

25.07.2014

APA-nın məlumatına görə, bu barədə «Azadlıq» radiosuna müsahibəsində Ermənistanın müdafiə naziri Seyran Ohanyan bildirib.

S. Ohanyanın sözlərinə görə, mühəndis qurğuları və onlara inteqrasiya olunan sistemlər diversiya nüfuzetməsinin qarşısını almağa imkan verir. Bu qurğular ön xətdə müəyyən ərazilərdə qurulub.

Müdafiə naziri hazırda yeni qurğuların sınaqdan keçirildiyini vurğulayıb. O, xüsusilə İT texnologiyalar sahəsində fəaliyyət göstərən şirkətlərlə aktiv əməkdaşlıq etdiklərini bildirib.

Ermənistan İnformasiya Texnologiyaları Müəssisələri İttifaqının icraçı direktoru Karen Vardanyan isə Ohanyanın səsləndirdiyi fikirlərlə razılaşmayıb. Onun sözlərinə görə, Ermənistan Müdafiə Nazirliyinin İT sferasında çalışan şirkətlərlə əməkdaşlığını istənilən səviyyədə deyil.

Qeyd edək ki, Ermənistanın Müdafiə Nazirliyinin Azərbaycan Ordusunun diversiya qruplarının Qarabağa və Ermənistan ərazilərinə sızmalarına dair mütəmadi olaraq mətbuata verdiyi açıqlamalar müdafiə naziri S. Ohanyanın fikirlərini təkzib edir. Xüsusilə inteqrə olunmuş sərhəd mühafizə sistemləri (bura yerüstü müşahidə radarları, gündüz və gecə kameraları, termal kameralar, elektron çəpərlər, seysmik sensorlar və s. daxildir) bahalı olduğundan Ermənistanın 1000 km-dən artıq bir ərazini - Azərbaycanla cəbhə xəttini əhatə edən belə bir layihəni həyata keçirməsi inandırıcı görünmür.