İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Bahar Muradova: Xocalı faciəsinin 25 illiyi ilə bağlı qanun layihəsi hazırlanacaq

Bahar Muradova: Xocalı faciəsinin 25 illiyi ilə bağlı qanun layihəsi hazırlanacaq

29.11.2016

Azərbaycanda Xocalı faciəsinin 25 illiyi ilə əlaqədar olaraq 3 ay ərzində soyqırımla bağlı qanun layihəsi hazırlanacaq.

Trend-in məlumatına görə, bunu Milli Məclisin vitse-spikeri Bahar Muradova “Soyqırım və etnik təmizləmə cinayətlərinin dünya səviyyəsində tanınmasının hüquqi aspektlərinin öyrənilməsi” layihəsinin təqdimatı zamanı deyib.

Onun sözlərinə görə, qanun layihəsinin hazırlanması işlərinə noyabrın 20-dən başlanılıb:

“Xocalı faciəsinin törədilməsindən artıq 25 il ötür. Qanun layihəsini Xocalı faciəsinin 25 illiyində ictimaiyyətə təqdim edə biləcəyik. Layihənin hazırlanmasında ictimaiyyətin də fikrini nəzərə alacağıq”.

B.Muradova qeyd edib ki, bəşəriyyət əleyhinə cinayət törədən ölkələrin rəsmiləri cavab verməlidirlər.