Mövzuya dair digər materiallar:
İtaliya mətbuatı Ermənistanın Dilqəm Əsgərovun və Şahbaz Quliyevin hüquqlarını pozmasından yazır
Prezident İlham Əliyev: Azərbaycan ümidvardır ki, ATƏT-in Minsk qrupunun həmsədri Fransanın Prezidenti Dağlıq Qarabağ münaqişəsinin həllində şəxsən iştirak edəcək
Birinci vitse-prezident: İşğal olunmuş ərazilərimizdə qanunsuz iqtisadi fəaliyyət Azərbaycan qanunvericiliyinin kobud şəkildə pozulması deməkdir
Azərbaycan Ordusu şəhid verib
Makron Dağlıq Qarabağ münaqişəsinin həlli yollarının tapılması istiqamətində səylərini davam etdirəcək
Azərbaycan və Fransa Dağlıq Qarabağ münaqişəsini ali səviyyədə müzakirə edəcəklər
Dövlət sərhədində Ermənistanın kəşfiyyat-diversiya qrupunun təxribatının qarşısı alınıb
Hikmət Hacıyev: "Dilqəm Əsgərov və Şahbaz Quliyevin azad edilməsi üçün bütün zəruri addımlar atılacaq”
Moqerini: “Dağlıq Qarabağ münaqişəsinin tərəflərini şərtsiz danışıqlara çağırırıq”
NATO Azərbaycanın ərazi bütövlüyünü dəstəkləyir
05.02.2017
“Litva Dağlıq Qarabağ münaqişəsinin yalnız sülh yolu ilə nizamlanmasının tərəfdarıdır”.
APA-nın Litvanın Milli Müdafiə Nazirliyinin saytına istinadən verdiyi xəbərə görə, bunu Litva müdafiə naziri Raymundas Karoblis Ermənistanın Vilnüsdəki səfiri Tiqran Mkrtçyanla görüşü zamanı deyib.
Qeyd edək ki, Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb. 1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.
Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏM (1994-cü ilin dekabrında keçirilmiş Budapeşt sammitindən sonra ATƏT) Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.
1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.
Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri mövcuddur.
