İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Allahşükür Paşazadə: Cocuq Mərcanlıda Şuşa məscidinə oxşar məscid tikiləcək

Allahşükür Paşazadə: Cocuq Mərcanlıda Şuşa məscidinə oxşar məscid tikiləcək

21.02.2017

Bu gün Qafqaz Müsəlmanları İdarəsində “Xocalı soyqırımı xalqın qan yaddaşıdır!!! “Xocalıya ədalət!” adlı tədbir keçirilib.

Trend-in məlumatına görə, tədbirdə Qafqaz Müsəlmanları İdarəsinin sədri Şeyxülislam Hacı Allahşükür Paşazadə, Dini Qurumlarla İş üzrə Dövlət Komitəsinin sədri Mübariz Qurbanlı, Yeni Azərbaycan Partiyasının İcra Katibinin müavini Siyavuş Novruzov, millət vəkiləri və ictimaiyyət nümayəndələri iştirak ediblər.

A.Paşazadə bildirib ki, biz Xocalı soyqırımını heç vaxt yaddan çıxara bilmərik:

"Həqiqət öz yerini tutacaq. Xocalı faciəsi Azərbaycanın qan yaddaşıdır. Ermənilər bizə qarşı apardıqları soyqırım nəticəsində çoxlu sayda şəhidlər vermişik. Bizi öldürməklə xalqımızı əymək olmaz. Haqq öz yerini tutacaq. Xocalı faciəsi 200 il əvvəl başlamışdı. Heydər Əliyev SSRİ siyasi bürosundan çıxarılandan sonra Azərbaycan xalqına qarşı soyqırım yenidən başlandı, torpaqlarımız işğal olundu. Bizim işimiz ondan ibarətdir ki, dünya ictimaiyyətinə ermənilərin xalqımıza qarşı apardığı təcavuzü, məscidlərimizi, mədəniyyət abidələrimizi dağıtdığı haqqında həqiqətləri çatdırmalıyıq. Soyqırım ilə bizim xalqımızı sındırmaq olmaz. Aprel döyüşləri, Cocuq Mərcanlının bərpası onu göstərir ki, Pezident İlham Əliyevin rəhbərliyi ilə torpaqlarımız tez bir zamanda geri qaytarılacaq. Cocuq Mərcanlıda Şuşa məscidinə oxşar bir məscid tikiləcək".

A.Paşazadə bildirib ki, cümə günü Azərbaycanda bütün məscidlərdə Xocalı faciəsi ilə bağlı ehsanlar veriləcək, dualar ediləcək.