İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Türkiyə XİN Xocalı soyqırımının 25-ci ildönümü münasibətilə bəyanat yayıb

Türkiyə XİN Xocalı soyqırımının 25-ci ildönümü münasibətilə bəyanat yayıb

24.02.2017

Türkiyə Xarici İşlər Nazirliyi (XİN) Xocalı soyqırımının 25-ci ildönümü münasibətilə bəyanat yayıb.

Trend-in məlumatına görə, bəyanatda qeyd olunur:

"Ermənistan silahlı birləşmələri tərəfindən 1992-ci il 26 fevral tarixində Azərbaycanın Dağlıq Qarabağ bölgəsində Xocalı şəhərinə hücum edilərək 106-sı qadın, 63-ü uşaq, 70-si yaşlı olmaqla 613 Azərbaycan vətəndaşı qətlə yetirilib. 1275 nəfər girov götürülüb, 150 nəfərin aqibəti bu günə qədər məlum deyil. Hələ də Azərbaycan torpaqlarının 1/5-i işgal altındadır, bir milyondan çox azərbaycanlı qardaşımız qaçqın və məcburi köçkün həyatı yaşayır.

Türkiyə olaraq, azərbaycanlı qardaşlarımızın 25 il əvvəl Xocalıda qarşılaşdıqları bu dəhşətin ağrı-acısını hər zaman qəlbimizdə hiss edirik və bu kədərə şərikik. Bu insanlıq faciəsində günahı olanlar tarix qarşısında cavab verəcəklər. Ermənistan silahlı birləşmələri tərəfindən törədilən bu qətliamı və Azərbaycan torpaqlarının illərdir davam edən işgalını şiddətlə qınayırıq. Bu faciədə həlak olanlara Allahdan rəhmət diləyirik".