İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Milli Məclisin vitse-spikeri: "Hərbi təxribatlar Ermənistan üçün əsas alətə çevrilib"

Milli Məclisin vitse-spikeri:

25.02.2017

"Ötən gecə cəbhədə baş verənlər bir daha onu göstərir ki, Ermənistan nə beynəlxalq hüququ sayır, nə ölkənin ərazi bütövlüyü prinsipinə hörmət edir, ümumiyyətlə, hər hansı hərəkətinin məsuliyyətini hiss etmir".

Bunu  APA-ya açıqlamasında Ermənistanın cəbhədə törətdiyi son təxribatı şərh edən Azərbaycan Milli Məclisinin vitse-spikeri Bahar Muradova deyib.

B. Muradova bildirib ki,  Ermənistan qondarma "Dağlıq Qarabağ Respublikası"nda qondarma "referendum" keçirməklə müstəqil qurum olduğunu isbatlamağa çalışırdı. Lakin bu cəhdin iflasa uğradığını görüb cəbhədə təxribat törətməklə diqqəti yayındırmaq istədi: "Ermənistan daha çox dünya ictimaiyyətinin nəzərində qalmaq üçün bu cəhdləri göstərir. Həm cəbhədə təxribat törədir, həm də informasiya təxribatı aparır. Bunu da  erməni silahlı birləşmələrinin Azərbaycan ərazisindəki ayrı-ayrı dəstələri dinc azərbaycanlıları hədəf götürməklə edir. Hərbi təxribatlar Ermənistan üçün əsas alətə çevrilib".

Vitse-spiker bildirib ki, Ermənistan dünya ictimaiyyətini, beynəlxalq hüququ tanımır, öz istədiyini edir: " Ermənistanın təxribatının başqa adı yoxdur".

Vitse-spiket deyib ki, onsuz da Ermənistan danışıqlarda imitasiya xatirinə, özünü göstərmək naminə iştirak edir: " Ermənistan heç vaxt danışıqlarda konstruktiv mövqe tutmayıb. Bunu dünya ictimaiyyəti də bilir ki, Ermənistan hazırkı status-kvonun saxlanmasına cəhd edir. Hətta sülh danışıqlarında tərəf kimi nəyəsə razılıq vermək istəyirsə, bunu qondarma rejimin rəsmiləşdirilməsi istiqamətində görür. Bizim sülh danışıqlarındakı iştirak məqsədimizlə Ermənistanınkı diametral şəkildə bir-birinin əksinədir. Yəni danışıqlarda əngəllər yaradır, həm də cəbhədə belə  təxribatları törədir ki, status-kvo saxlansın. Ermənistanın niyyəti budur".