İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Avropa Birliyi Azərbaycan və Ermənistanı atəşkəsə dərhal əməl etməyə və münaqişənin həllinə yönəlmiş səyləri davam etdirməyə çağırıb

Avropa Birliyi Azərbaycan və Ermənistanı atəşkəsə dərhal əməl etməyə və münaqişənin həllinə yönəlmiş səyləri davam etdirməyə çağırıb

04.08.2014

“Biz təmas xəttində və Azərbaycan-Ermənistan sərhədində çoxsaylı itkilərə səbəb olmuş son silahlı toqquşmalardan narahatıq”

APA-nın xəbərinə görə, bu barədə Avropa Birliyinin xarici işlər və təhlükəsizlik siyasəti üzrə ali nümayəndəsi Ketrin Eştonun bəyanatında deyilir.

Bəyanatda bildirilir ki, AB hər iki tərəfi atəşkəsə dərhal əməl etməyə, güc tətbiqindən və hədələrdən çəkinməyə, münaqişənin sülh yolu ilə həllinə yönəlmiş səyləri davam etdirməyə çağırır: “Avropa Birliyi xatırladır ki, Dağlıq Qarabağ münaqişəsinin siyasi həlli istiqamətində səylərin fəallaşdırılmasında iştiraka, eləcə də münaqişənin sülh yolu ilə həlli prosesinə ATƏT-in Minsk Qrupunu ilə birlikdə töhfə verməyə hazırdır”.

Bəyanatda ATƏT-in Minsk Qrupunun həmsədrlərinin işinə, xüsusən Azərbaycan və Ermənistan prezidentlərinin 2013-cü il noyabrın 19-da keçirilmiş Vyana görüşündə razılaşdırıldığı kimi, ən yüksək səviyyədə danışıqların davam etdirilməsinə dəstək ifadə olunur.