İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

"International Policy Digest": Dağlıq Qarabağ münaqişəsi regionun iqtisadiyyatına mənfi təsir göstərir

14.04.2017

Dağlıq Qarabağ münaqişəsi Ermənistan və Azərbaycanın iqtisadiyyatına əhəmiyyətli dərəcədə mənfi təsir göstərib.

Trend-in məlumatına görə, bunu analitik Fuad Şahbazov “International Policy Digest” jurnalında dərc olunan məqaləsində yazıb.

Məqalədə qeyd olunur ki, müharibə nəticəsində kənd təsərrüfatı sahəsində Azərbaycanın 7 minə yaxın müəssisəsinin fəaliyyəti dayanıb. Ermənistan Azərbaycanın meşə massivinin 25 faizini, eləcə də faydalı qazıntılarla zəngin ərazilərini işğal edib.

Birləşmiş Millətlər Təşkilatının qiymətləndirməsinə əsasən, Azərbaycan torpaqlarının Ermənistan tərəfindən işğal olunmasından dəyən iqtisadi ziyan 53,5 milyard dollara yaxındır.

Müəllif yazır ki, bütün iqtisadi problemlərə baxmayaraq 1990-cı illərdə Azərbaycan neft ehtiyatlarından istifadə edərək iqtisadi böhranın öhdəsindən gələ bildi. Eyni zamanda, Ermənistan ciddi sosial-iqtisadi problemlərlə üzləşdi.

İşğal siyasətinin daha bir nəticəsi Ermənistanın Azərbaycan və Türkiyə ilə sərhədlərinin bağlanması oldu. Bundan sonra Gürcüstan Ermənistanı Rusiya və Avropa ilə bağlayan yeganə nəqliyyat marşrutuna çevrildi ki, bu da Gürcüstandakı iqtisadi qeyri-stabillik səbəbi ilə Ermənistan iqtisadiyyatının daha da zəifləməsinə gətirib çıxardı.

Müəllif vurğulayıb ki, Dağlıq Qarabağ münaqişəsi Cənubi Qafqaz regionunun bütünlüyünü məhv edib və təbii ehtyatlarla və istehsalat imkanları ilə zəngin region demək olar ki, istifadəsiz qalır.