İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Gürcüstan hakimiyyəti Azərbaycan və Ermənistanın Dağlıq Qarabağ münaqişəsi üzrə razılığa gələcəyinə əmindir

Gürcüstan hakimiyyəti Azərbaycan və Ermənistanın Dağlıq Qarabağ münaqişəsi üzrə razılığa gələcəyinə əmindir

04.08.2014

Gürcüstan hakimiyyəti əmindir ki, Azərbaycan və Ermənistan Dağlıq Qarabağ münaqişəsi üzrə ümumi dil tapa və razılığa gələ biləcəklər. Trend-in məlumatına görə, bunu bazar ertəsi jurnalistlərə Gürcüstan Preizdenti Georgi Marqvelaşvili Azərbaycan və Ermənistan qoşunlarının təmas xəttində son günlər baş verən vəziyyəti şərh edərkən deyib.

Prezident bildirib ki, Gürcüstan hakimiyyəti yaranmış vəziyyətdən narahatdır: "Mən regionda vəziyyətin de-eskalasiyasına dəstək çağırışlarına qoşulmaq istəyirəm. Bu, Ermənistan və Azərbaycan, eləcə də bütün region üçün böyük əhəmiyyət kəsb edir. Hamımıza regionda sabitlik lazımdır. İki ölkə arasında dialoq davam etdirilməlidir və mən əminəm ki, onlar ümumi dil tapa biləcəklər".

Öz növbəsində Gürcüstanın Baş naziri İrakli Qaribaşvili vəziyyəti şərh edərkən bildirib ki, Azərbaycan və Ermənistan tez bir zamanda razılıq əldə edəcəklər və regionda sülh bərqərar olunacaq: "Biz qonşu ölkələrdə vəziyyətləri böyük diqqət və narahatlıqla izləyirik. Mən ümid edirəm və əminəm ki, onlar tezliklə razılığa gələ biləcəklər və regionda sülh bərqərar olunacaq".