İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Riçard Hoqland: Ərazi bütövlüyü Dağlıq Qarabağ münaqişəsinin həllinin vacib hissəsidir

Riçard Hoqland: Ərazi bütövlüyü Dağlıq Qarabağ münaqişəsinin həllinin vacib hissəsidir

24.08.2017

Ərazi bütövlüyü Ermənistan-Azərbaycan, Dağlıq Qarabağ münaqişəsinin nizamlanmasının vacib hissəsidir.

Trend-in məlumatına görə, bunu Vaşinqtonda keçirilən "dəyirmi masa"da ATƏT-in Minsk qrupunun ABŞ-dan olan müvəqqəti həmsədri Riçard Hoqland deyib.

R.Hoqland bildirib ki, Azərbaycanın suverenliyinə hörmət təmin edilmədən və suverenliyin həmin ərazilər üzərində bərpasını qəbul etmədən münaqişənin nizamlanması mümkün deyil.

O əlavə edib ki, münaqişənin nizamlanması özündə bütün məcburi köçkünlərin əvvəlki yaşayış yerlərinə qayıtması hüququnun tanınmasını və təhlükəsiziyə beynəlxalq zəmanətin təmin edilməsini birləşdirməlidir.

Xatırladaq ki, Endyu Şofer ABŞ-ın ATƏT-in Minsk qrupunda yeni daimi həmsədri təyin edilib. O, ABŞ-ın təcrübəli diplomatlarından biridir, bundan əvvəl Birləşmiş Ştatların Vyanada beynəlxalq təşkilatlar yanındakı missiyasında işləyib.