İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Səfir: Dağlıq Qarabağ münaqişəsi Türkiyə üçün ən böyük problemlərdən biridir

Səfir: Dağlıq Qarabağ münaqişəsi Türkiyə üçün ən böyük problemlərdən biridir

17.09.2017

Dağlıq Qarabağ münaqişəsi Azərbaycanın problemi olduğu kimi, Türkiyə üçün də ən böyük problemlərdən biridir.

Trend-in məlumatına görə, bunu Bakının Qafqaz İslam Ordusu tərəfindən daşnak-bolşevik işğalından azad edilməsinin 99-cu ildönümünə həsr olunan tədbirdə Türkiyənin Azərbaycandakı səfiri Erkan Özoral deyib.

Səfir qeyd edib ki, Türkiyə və Azərbaycan hər zaman qardaş, dost ölkələr olublar: "Türkiyə həmişə Azərbaycanı dəstəkləyib və dəstəkləyəcək".

"TurAz Qartalı - 2017" Türkiyə-Azərbaycan birgə hərbi təlimlərinə toxunan diplomat vurğulayıb: "Bu təlimlər bir daha göstərir ki, Azərbaycan-Türkiyə əməkdaşlığı hərbi sahədə də inkişaf edir və ən yüksək səviyyədədir".

Bakının Qafqaz İslam Ordusu tərəfindən daşnak-bolşevik işğalından azad edilməsinin 99-cu ildönümündən də danışan E.Özoral bildirib ki, bu gün Azərbaycanın hər bir yerində türk şəhidlərin qəbirlərinə rast gəlmək olar:

"Qəbirlərin bu günə qədər qalması Azərbaycan xalqının sayəsində mümkün olub. Hətta sovet dönəmində azərbaycanlılar bu məzarları öz qohumlarının, qardaşlarının qəbri kimi qoruyub saxlayıblar".