İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Fransa səfiri: “Qarabağ münaqişəsi “dondurulmuş” deyil, realdır və bu, bizi narahat edir”

Fransa səfiri: “Qarabağ münaqişəsi “dondurulmuş” deyil, realdır və bu, bizi narahat edir”

12.12.2017

Dağlıq Qarabağ münaqişəsini “dondurulmuş” kateqoriyasına aid etmək çətindir”.

APA-nın “news.am” saytına istinadən verdiyi məlumata görə, bunu Fransanın Ermənistandakı səfiri Conatan Lakot keçirdiyi brifinqdə deyib.

Münaqişənin cəmiyyətdə əks olunma səviyyəsindən təəccübləndiyini deyən diplomat ilin əvvəlindən bəri təmas xəttində 57 hərbçinin həlak olduğunu diqqətə çatdırıb.

Səfir qeyd edib ki, bu, “dondurulmuş” münaqişə deyil: “Bu, insanlara və iqtisadiyyata təsir edən gerçək münaqişədir. Bu münaqişə bizi narahat edir. Fransa ATƏT-in Minsk qrupunun həmsədri kimi öhdəliklərini yerinə yetirməkdə qərarlıdır. Münaqişənin hərb yolu ilə həlli ola bilməz”.

C. Lakot bildirib ki, danışıqlar prosesinin mərkəzində güc tətbiqinin yolverilməzliyi, ərazi bütövlüyü və xalqların öz müqəddəratının təyin edilməsi prinsipləri dayanır. O qeyd edib ki, Fransa prezidentlərin Cenevrə görüşünün, XİN rəhbərlərinin Vyana görüşünün nəticələrini alqışlayır və nazirlərin ilin əvvəlində görüşünü gözləyir: “Fransada ən yüksək səviyyədə münaqişəni izləyirlər. Fransa Minsk qrupu tərkibində öhdəliklərinə tam sadiqdir, lakin söhbət vasitəçilik rolundan gedir. Nizamlanmaya yalnız tərəflər nail ola bilərlər”.

C. Lakot səfir olduğundan danışıqlar prosesinin detalları barədə danışa bilməyəcəyini də əlavə edib.