İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Türkiyə XİN: Ermənistan Xocalıda törədilmiş cinayətlərə görə cavab verməlidir

Türkiyə XİN: Ermənistan Xocalıda törədilmiş cinayətlərə görə cavab verməlidir

14.12.2017

Ermənistan Xocalıda törədilmiş cinayətlərə görə cavab verməlidir.

Trend-in məlumatına görə, bunu Türkiyə Xarici İşlər Nazirliyi Ermənistan Xarici İşlər Nazirliyinin Ermənistan-Türkiyə protokolları ilə bağlı bəyanatına cavab olaraq bildirib.

Türkiyə XİN-in məlumatında deyilir ki, Ermənistan-Türkiyə protokollarının imzalanması Cənubi Qafqazda sülh və sabitliyə nail olmaq və Azərbaycanın işğal olunmuş ərazilərinin azad olunmasını təmin etmək məqsədi daşıyırdı: “Ermənistan Azərbaycanın işğal olunmuş ərazilərini dərhal azad etməli və Türkiyəyə “soyqırım”la bağlıı iddialar irəli sürməkdənsə, Xocalıda törədilmiş cinayətlərə görə cavab verməlidir”.

Məlumatda o da qeyd olunur ki, Türkiyə Ermənistanın xarici işlər naziri Edvard Nalbandyanın Ermənistan-Türkiyə protokolları barədə bəyanatını pisləyir, çünki bu cür bəyanatlar bu protokolların əsl məqsədini və məramını təhrif etməyə yönəlib: “Ermənistan-Türkiyə protokolları iki ölkə arasındakı münasibətlərin normallaşması üçün imzalanmışdı, lakin Ermənistanın konstitusiya məhkəməsi 12 yanvar 2010-cu ildə protokolların mətninə ziddi olan bir sıra şərtlər irəli sürdü”.

Məlumatda vurğulanır ki, bundan sonra Ermənistan prezidenti Serj Sarkisyan 22 aprel 2010-cu ildə protokolların dondurulduğunu bəyan etdi.