İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Ermənilər Azıx mağarasında qanunsuz “tədqiqatlar”ı davam etdirir

Ermənilər Azıx mağarasında qanunsuz “tədqiqatlar”ı davam etdirir

20.12.2017

Son illər Qarabağda, xüsusən Azıx mağarasında ermənilərin qanunsuz “tədqiqatlar” aparması bir daha bu paleolit düşərgəsinin və oradan əldə olunmuş artefaktların elmi təhlilinin, geniş elmi ictimaiyyətə çatdırılmasının zəruri olduğunu göstərir.

Trend-in məlumatına görə, bunu AMEA Rəyasət Heyətinin bu gün keçirilən iclasında AMEA-nın vitse-prezidenti, akademik İsa Həbibbəyli bildirib.

O deyib ki, 1968-ci ildə arxeoloq Məmmədəli Hüseynov tərəfindən Azıx mağarasından Azıxantropun alt çənə sümüyünün qalığının aşkar olunmasından 50 il keçir. Qeyd edib ki, tədqiqatlar nəticəsində Azıxantropun 400 min il yaşı olduğu təsdiqlənib və elmi dövriyyəyə daxil edilən Quruçay mədəniyyəti elmdə özünün layiqli yerini tutub. Akademik Mingəçevir və Qəbələ rayonları ərazisindən son illər əldə edilmiş artefaktların Quruçay mədəniyyətinin yayılma arealının çox geniş olmasını təsdiqlədiyini və onun tədqiqinin müasir dövrdə də aktual olduğunu deyib.

Qeyd edək ki, bu gün qəbul edilən qərara əsasən, Azıx mağarasından Azıxantropun sümüyünün tapılmasının 50 illiyinə həsr olunmuş “Qafqaz erkən paleolit dövründə insanların miqrasiya yolunda” mövzusunda beynəlxalq simpozium keçiriləcək. Arxeologiya və Etnoqrafiya İnstitutunda təşkil olunacaq tədbirin 5-7 noyabr 2018-ci il tarixlərində keçirilməsi nəzərdə tutulur.