İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Türkiyəli deputat: Dağlıq Qarabağ məsələsində Azərbaycana beynəlxalq arenada verdiyimiz dəstəyi davam etdirəcəyik

Türkiyəli deputat: Dağlıq Qarabağ məsələsində Azərbaycana beynəlxalq arenada verdiyimiz dəstəyi davam etdirəcəyik

14.02.2018

"Bakı Ankaraya olan dəstəyini heç vaxt kəsməyib və Türkiyə qardaş Azərbaycanın dəstəyini həmişə hiss edib".

Bunu Trend-ə xüsusi açıqlamasında Türkiyənin hakim Ədalət və İnkişaf Partiyasının İstanbuldan millət vəkili Mətin Külünk bildirib.

O qeyd edib ki, Türkiyə Azərbaycanın müstəqilliyini ilk tanıyan dövlətlərdən biridir və Türkiyə və Azərbaycan bir millət iki dövlətdir:

“Dünyada Türkiyə-Azərbaycan münasibətlərinə analoq tapmaq mümkün deyil, bu baxımdan Azərbaycan Türkiyənin ən önəmli qardaşı və özüdür”.

Millət vəkilinin sözlərinə görə, son illər Türkiyə Cümhuriyyət tarixinin ən böyük hücumuna məruz qalıb:

“Türkiyə bir-birini təqib edən terror və hərbi çevriliş cəhdilə üz-üzə qaldı və Ankara bütün problemlərə səbəb olan Avropa və ABŞ-la mübarizə aparmaq məcburiyyətində qaldı. Bu mübarizə hələ də davam edir".

M.Külünk onu da əlavə edib ki, bu mübarizə zamanı qardaş Azərbaycan hər zaman Türkiyənin yanında olub.

Millət vəkilinin sözlərinə görə, son olaraq Bakı-Tiflis-Qars dəmir yolu xəttinin istifadəyə verilməsilə iki qardaş ölkənin münasibətləri daha da möhkəmlənib.

Bu gün Azərbaycan və Türkiyənin bölgədəki bir sıra üçtərəfli əməkdaşlıq mexanizmlərinin əsas tərkib hissəsi olduğunu bildirən M.Külünk deyib ki, bu əlaqələr daha da genişlənəcək və güclənəcək:

“Türkiyə olaraq biz heç bir zaman ermənilərin işğal etdikləri Azərbaycan torpaqlarında dinc əhalini kütləvi şəkildə qətlə yetirdiyini əsla unutmayacağıq. Bundan əvvəl olduğu kimi, bundan sonra da Dağlıq Qarabağ məsələsində Azərbaycana beynəlxalq arenada verdiyimiz dəstəyi davam etdirəcəyik”.