İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Estoniya deputatları Xocalı soyqırımı ilə əlaqədar Azərbaycan xalqına başsağlığı veriblər

Estoniya deputatları Xocalı soyqırımı ilə əlaqədar Azərbaycan xalqına başsağlığı veriblər

22.02.2018

Estoniya parlamentinin bir qrup deputatı Xocalı soyqırımının 26-cı ildönümü ilə əlaqədar Azərbaycan xalqına başsağlığı verib.

Trend-in məlumatına görə, Estoniya parlamentin saytında dərc olunan başsağlığında deyilir: "Biz Azərbaycan xalqının 600-dən çox dinc sakinin, o cümlədən uşaq, qadın və qocaların öldürüldüyü Xocalı soyqırımı ilə bağlı kədərini bölüşürük".

Qeyd olunur ki, deputatlar 1992-ci il fevralın 25-dən 26-na keçən gecə Xocalı şəhərinin işğalı zamanı dinc Azərbaycan vətəndaşlarına qarşı qeyri-insani hərəkətləri, bu cinayəti törədənləri və günahkarları qətiyyətlə pisləyir. Bu qanlı qırğında əli olanlar layiq olduqları cəzanı almalıdırlar:

"Azərbaycanın öz ərazi bütövlüyünün bərpası istiqamətində səylərinə dəstəyimizi ifadə edirik. Ermənistan-Azərbaycan Dağlıq Qarabağ münaqişəsinin sülh yolu ilə həlli bütün regionun inkişafı baxımından mühüm amildir".