İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

ATƏT-də yayılmış "bəyanat" təşkilatın Dağlıq Qarabağ münaqişəsi üzrə mövqeyini əks etdirmir

ATƏT-də yayılmış

09.03.2018

Dağlıq Qarabağın separatçı rejiminin təşəbbüsü ilə ATƏT-də yayılmış "bəyanat" təşkilatın Ermənistan-Azərbaycan Dağlıq Qarabağ münaqişəsi ilə bağlı mövqeyinə heç bir aidiyyatı yoxdur.

Trend-in məlumatına görə, bu barədə Azərbaycanın ATƏT yanında daimi nümayəndəliyinin erməni KİV-lərində Azərbaycanın Ermənistan tərəfindən işğal olunmuş ərazilərində yaradılmış qeyri-qanuni separatçı rejiminin təşəbbüsü ilə ATƏT-də bir "bəyanat" "rəsmi sənəd" kimi yayılması barədə informasiya ilə əlaqədar məlumatında deyilir.

Nümayəndəlik qeyd edir ki, ATƏT çərçivəsində müəyyən edilmiş təcrübəyə uyğun olaraq, təşkilatın katibliyi hər-bir üzv-ölkənin xahişi ilə ondan qəbul edilmiş istənilən sənədi onu dəyişmədən yayır: "Azərbaycan nümayəndəliyi bu məsələni təşkilatın katibliyində Ermənistana Sənədlərin Yayılmasının Mərkəzindən güc ilə işğal edilmiş torpaqlara qarşı özünün anneksionist niyyətlərini qabağa çəkməsi üçün sui-istifadəsinə imkan verilməyinin yolverilməz olduğuna diqqət yetirərək qaldırıb".

Qeyd olunur ki, ATƏT, hökumətlərarası təşkilat kimi, konsensus əsasında qəbul edilmiş qərarları və bütün 57 üzv ölkənin kollektiv iradəsini həyata keçirir: "Təşkilatın mövqeyini yalnız konsesual sənədlər əks etdirir. Deməli, qeyd olunan "bəyanatın" yayılması ATƏT-in Ermənistan-Azərbaycan münaqişəsinə bəyan etdiyi mövqeyinə heç bir aidiyyatı yoxdur"