İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Nazir: İşğalçı Ermənistan faktaraşdırıcı missiyaların həyata keçirilməsinə əngəllər törədir

Nazir: İşğalçı Ermənistan faktaraşdırıcı missiyaların həyata keçirilməsinə əngəllər törədir

26.03.2018

İşğalçı Ermənistan faktaraşdırıcı missiyaların həyata keçirilməsinə əngəllər törədir.

Trend-in məlumatına görə, bunu mədəniyyət və turizm naziri Əbülfəs Qarayev Qubada XIX əsrə aid Gümbəzli hamamın bərpadan sonra açılış mərasimində deyib.

Nazir qeyd edib ku, işğal olunmuş torpaqlarda Azərbaycanın tarixi memarlıq abidələri müflisləşərək qalır: "Çünki orada gedən işlər həmin abidələrin qorunmasına, bərpasına imkan vermir. Erməni işğalçıları tərəfindən bu məkanlar dağıdılır, özününküləşdirilir, abidələrin tarixi dəyişdirilir. Əfsuslar olsun ki, biz bu məsələ ilə bağlı ciddi hərəkətə keçə bilmirik. Təbii ki, Azərbaycanın ərazi bütövlüyü təmin olunandan sonra bu işlərlə ciddi şəkildə məşğul olacağıq".

Ə.Qarayev əlavə edib ki, buna baxmayaraq Azərbaycan beynəlxalq ictimaiyyət qarşısında bu məsələləri də qaldırır: "Faktaraşdırıcı missiyaların Azərbaycana gəlməsi ilə bağlı müraciət etmişik, lakin işğalçı Ermənistan bu missiyaların həyata keçirilməsinə müxtəlif əngəllər törədir".