İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Baş nazirin müavini: Dağlıq Qarabağ münaqişəsi Azərbaycanda məşğulluğun təmin olunmasında ciddi problemlər yaradır

Baş nazirin müavini: Dağlıq Qarabağ münaqişəsi Azərbaycanda məşğulluğun təmin olunmasında ciddi problemlər yaradır

22.05.2018

Ermənistan-Azərbaycan, Dağlıq Qarabağ münaqişəsi Azərbaycanda məşğulluğun təmin olunması istiqamətində ciddi problemlər yaradır.

Trend-in məlumatına görə, bunu Baş nazirin müavini Əli Əhmədov Bakıda “Dayanıqlı İnkişaf Məqsədlərinə doğru: davamlı inkişafın və layiqli həyatın təbliği” adlı beynəlxalq konfransda deyib.

Ə.Əhmədov bildirib ki, Dağlıq Qarabağ münaqişəsi nəticəsində azərbaycanlılar Ermənistan tərəfindən etnik təmizləməyə məruz qalıb:

“Bunun nəticəsində bir milyondan artıq insan qaçqın və məcburi köçkün vəziyyətinə düşüb. Bir milyondan artıq insanın layiqli əməklə təmin olunmasının nə qədər böyük vəzifə olduğunu bilirsiniz”.

Baş nazirin müavini qeyd edib ki, digər tərəfdən, Azərbaycanın Ermənistan tərəfindən işğal olunmuş torpaqlarının istifadə olunmaması problemlər yaradır: “Beləliklə, kənd təsərrüfatına yararlı torpaqların istifadə olunmaması faizi aşağı düşür”.