İşğal faktı rəqəmlərdə
Dağlıq Qarabağ: işğal tarixi - 1988-1992-ci illər, ərazisi - 4400 kv.km; Şuşa rayonu: işğal tarixi - 8 may 1992-ci il, ərazisi - 289 kv.km; Laçın rayonu: işğal tarixi - 18 may 1992-ci il, ərazisi - 1840 kv.km; Kəlbəcər rayonu: işğal tarixi - 2 aprel 1993-cü il, ərazisi - 3054 kv.km; Ağdam rayonu: işğal tarixi - 23 iyul 1993-cü il, ərazisi - 1150 kv.km; Cəbrayıl rayonu: işğal tarixi - 23 avqust 1993-cü il, ərazisi - 1050 kv.km; Füzuli rayonu: işğal tarixi - 23 avqust 1993-cü il, ərazisi - 1390 kv.km; Qubadlı rayonu: işğal tarixi - 31 avqust 1993-cü il, ərazisi - 802 kv.km; Zəngilan rayonu: işğal tarixi - 29 oktyabr 1993-cü il, ərazisi - 707 kv.km.

Rəsmi Varşava Senat üzvlərinin Dağlıq Qarabağa səfərini şərh etdi

Rəsmi Varşava Senat üzvlərinin Dağlıq Qarabağa səfərini şərh etdi

18.09.2014

Polşa Senatının üzvləri Dağlıq Qarabağ separatçılarının nümayəndələri ilə şəxsi təşəbbüs əsasında görüşüblər. Bunu cümə axşamı Trend-ə Polşa xarici işlər nazirinin müavini Tomaş Orlovski Azərbaycan Xarici İşlər Nazirliyində keçirilmiş görüşdən sonra deyib.

Onun sözlərinə görə, Senat nümayəndələrinin Dağlıq Qarabağa şəxsi səfirlərini şərh edə bilməz: "Ölkəmiz Dağlıq Qarabağın müstəqilliyini tanımır və Azərbaycanın ərazi bütövlüyünü dəstəkləyir. Pola Senatı üzvlərinin şəxsi səfərlərini isə şərh edə bilmərik".

Ermənistan KİV-in bir müddət əvvəl yaydığı məlumatda bildirilirdi ki, Polşa Senatının üzvü, Ermənistan-Polşa dostluq qrupunun rəhbəri Lukaş Abqaroviçin başçılıq etdiyi Polşa nümayəndə heyəti separatçı Dağlıq Qarabağa səfər edib.

T.Orlovski deyib ki, Polşa-Azərbaycan əməkdaşlığının səviyyəsini yüksək qiymətləndirir: "Bakı Cənubi Qafqaz regionunda sabitliyin təmin edilməsinin vacib amilidir. Biz Azərbaycanla dostuq və ölkənizlə qədim tarixi əlaqələrə və əməkdaşlığa malikik".

Nazir müavinin sözlərinə görə, Polşa ölkə iqtisadiyyatının, xüsusilə neft-qaz sahəsinin inkişafına kömək edə bilər.